المساعد الشخصي الرقمي

مشاهدة النسخة كاملة : قصيدة في ذكرى سقوط بغداد 9/4/2003


العراقي
2014-04-08, 06:29 PM
انقل لكم قصيدة للشيخ (http://www.sunnti.com/vb/showthread.php?t=3760) طه الدليمي (http://www.sunnti.com/vb/showthread.php?t=3760) كتبها في الذكرى السابعة لاحتلال بغداد
و يوم غد 9/4/2014 تمرعلينا الذكرى الحادية عشر

القصيدة منقولة من ارشيف الشيخ طه الدليمي وهي على لسانة :
تسعة اربعة
بعث إلي صديقي الشيخ الكرخي على الهاتف الجوال وأنا في السيارة هذا البيت من (الزهيري ) بمناسبة الذكرى السابعة لاحتلال العراق:
هامات ﮔبل ابْعلو يوم السقوط اسقطـــتْ
واخلاق بعض الربع مدري اشبلاها اسقطت؟
يا ريت أم النذل أول حملها اسقطــــت

من ﭽان قطعة لحم ومْن الشهور اربعة
يا حيف باع الوطنْ ابثَلْثِ اوْرﮔات اربعة
خلى جرح بالـﮔلب تاريخه تسعة (http://www.sunnti.com/vb/showthread.php?t=3760) اربعة

حتى طفلها بـﭽى بغداد (http://www.sunnti.com/vb/showthread.php?t=3760) يوم اسقطت
9/4/2010

فأجبته:
الدنيا كُلها بـﭽت مو بس دموعي اسقطت
وبالدم بـﭽاها الجفن بغداد يوم اسقطـت
بلدان كل العرب يا صاحْ هيّ اسقطــت

يوم اتركوها وْجِفَوا في يوم تسعة اربعــة
وبغداد بالدم شفتها اتْنوح متربعـــــة
العجمْ بها اغدروا، فرحانة وامربّعــــة

صدﮔني النا النصر ما غير ( قم ) اسقطـتْ

من يوم تسعة اربعة (http://www.sunnti.com/vb/showthread.php?t=3760) ما يوم عيني صفت
بغداد للأجنبي وابن الأعاجم صفـــت
الايام ما بيننا يا خوي ما أنصفــــت

و ( ابن الوليد ) بْزعل يبعث مراسيلــه
ويـﮔول وين العرب ؟ وين الذي نسيله ؟ (نسأله)
لبيك آمر يا سيف الله إنسيلــــــه (نُسِيله)

دمْهمْ وريح الحرب ابشر تراهي اعْصفتْ

و ( القادسية ) اﮔبلتْ بخيولها غايـِرةْ
جروحكْ يا ابِنْ رستمةْ بـﮔلوبنا غايرة
لا بد وهذا الوضعْ يجي يومْ ونْغيـره

وْتِرجع ايام العربْ والوطنْ يِتعـــافى
بروحهْ النذلْ ينهزمْ كل شي وراه عافهْ
خشومنا فوﮒ النجمْ بالفخرْ رعّافـــهْ

باذن الله ، وخشومهم جوَّ الجدمْ غايرةْ




https://scontent-b-cdg.xx.fbcdn.net/hphotos-prn2/t1.0-9/1463884_274014212773260_1978655646277959391_n.jpg

بغداد لم تسقط ... ولكن دخلها الساقطون

الحياة أمل
2014-04-09, 03:05 AM
يعود المجد للأرض بإذن خآلقنآ
وتنبت أزهآرآ وريآحينآ !