المساعد الشخصي الرقمي

مشاهدة النسخة كاملة : نصايح مهمة جدا للعزايم ,هتستفادي كتير


جنة الرحمان
2014-12-25, 03:49 PM
http://idata.over-blog.com/3/97/86/24/80-bismallah.gif
1 . اولا قبل اي شئ و انتي بتبدئي كده قولى بسم الله الرحمن الرحيم .. و اخلصى النيه لله انك تقدمي احسن ما عندك ,, وربنا ان شاء الله هيطرح البركة في الاكل وهيطلع جميل ..

2 .. لو عندك فراخ هتــمر بمرحلة السلق الاول .. كذلك اللحمة . من بليل يا كبيرة تكوني سلقاهم .. ومصفياهم من الشوربة و حطاهم في صنيه و رشة عليهم ملح و فلفل و في التلاجة حفظاهم

3 .. لو الاكل بتاعتك فيه لحمة مفرومة .. عصجيها برضو قبلها بيوم .. ولو هتعملى مسقعة ولا مكرونة بشاميل . ممكن الاكلة على بعضها تتعمل قبلها بيوم و يوم العزومة تاخد الوش التمام في الفرن و تتقدم سخنه و هتبقي كانها لسة معمولة

4 . لو هتعملى فته . من بليل تكوني محمصة العيش و فارمة كمية كبيرة من التوم .. و الثوم عشان تحفظية و يبقي بنفس ريحته و طازة .. بعد الفرم تجيبي برطمان زجاج و تحطي الكمية المفرومة وتغطيها بزيت زيتون و تحفظيها في التلاجة .. كلك صلصة الفته من بليل جهزيها .

5 . لو الاكل محشي . جهزي خلطة المحشي من بليل . من تقطيع الخضرة لتسبيكة الصلصة .. سيبيها بس على انك تاني يوم تخرجيها من التلاجة تديها غلوة و تضيفي الرز و تحشي

6 . لما تبقي واقفة في المطبخ .. و قدامك 5 دقايق على ما حاجة تستوي او تتطبخ و هتكملى بعد كده . في الخمس دقايق دول اعملى السلطة وجهزيها . بس متحطيش لمون ولا خل ولا ملح .. جهزيها بس . و قطعيها وحطيها في التلاجة لوقت العزومة ووقت التقديم ابقي ضيفي التوابل

7 . قبل العزومة تبقي مفضية جزء كويس كده من الرخامة و راصة فيه الاطباق و الكوبايات و الفناجين الي هتستخدميها عشان تبقي متاكدة ان العدد الي عندك هيكفي عدد الضيوف و عشان تتاكدي من نضافتهم و مترتبكيش وقت التقديم

8 . طول ما انتي واقفة اغسلى مواعينك اول بأول لان الحوض لو فيه مواعين هيجيلك اكتئاب و ده هياأثر على مزاجك ونفسك في الاكل . فلازم تحسي ان الدنيا رايقة حواليكي

9 . الحلويات لو ناوية تعملى في البيت . جيلي . كريم كراميل . مهلبية . تشير كيك . يبقي قبلها بيوم .. عشان تضمني ان الحاجة جاهزة . متستنيش ليوم العزومة الصبح عشان لو حصلت اي مفاجأت مش هيبقي في وقت تلحقي تعملى غيرها

10 . لو هيبقي من ضمن الضيوف اطفال من سن سنتين لــ 6 سنين .. متنسيهومش بــناجتس او بطاطس محمرة حتي ... لان الاطفال مبيبقاش ليهم اوي في الاكل المحمر او المشمر . عشان تشتري دماغك من زنهم واعتراضهم


https://encrypted-tbn0.gstatic.com/images?q=tbn:ANd9GcQ_ZdrfFj0l9mLwIFhDNdFZFOA1VBd2P Quy0aqCakJIKoDWhiwC6A