المساعد الشخصي الرقمي

مشاهدة النسخة كاملة : چا وين أهلنا... چااااا وييييييين؟


عبد الله الدليمي
2013-05-06, 07:06 AM
چا وين أهلنا... چااااا وييييييين؟


http://www.alqadisiyya3.com/q3/images/swee.jpg


الكاتب: عبد الله الدليمي



يابه من رخصتكم، هاي المقالة راح تكون بالجلفي (أول مرة .. وبعد ما اسويها).. ولـ 3 اسباب:

أولا: بصراحة حاولت ارهّم هذا العنوان على مقالة باللغة الفصحى.. بس ما رهم؛ خفت لا يطلع المقال مثل واحد كاشخ بقاط وبايمباغ ونظارة .. وحاط على راسه سلبچة (لمعرفة معنى هذه المفردة، انظر القاموس المحيط ومختار الصحاح ولسان العرب ولسان الاكراد.. واذا لگيتوا شي عاتبوني).

وثانيا.. راجعت حروف اللغة العربية وما لگيت بيهن (لا چاف ولا چين).

هسه واحد راح يگمز ويگلي: وليش ما تختار عنوان فصيح وترهمله محتوى فصيح وتفضها.. قابل احد شايل عليك بي كي سي؟
عيني ابو البي كي سي، على كيفك..انطيها فنتك شوي، اقرا النقطة الجاية وانت تعرف السبب.

ثانيا: هاي الاغنية (چا وين أهلنا) ما تفارگ ذهني هالأيام، مو لأني أحبها أو أحب عباس جميل اللي غناها.. لا لا .. أصلا حتى لمن چنت اسمع أغاني وتطلع هاي الأغنية عبالك واحد هافني بنص طابوگة بالگصة.

بعدين شكو بيها اذا واحد اختار عنوان ورهمله مضمون؟ قابل ذاك الرجال (مو دليمي) اللي راح لسوگ السيارات شايل تاير ويدور سيارة ترهم عليه احسن مني؟

ثم مو آني المقالچي؟ يعني بكيفي..

ثالثا: ...... والله يا جماعة.. السبب الثالث چان ببالي وعلى طرف لساني بس نسيته...

المهم وحتى ما اطولها عليكم.. هاي الاغنية تتردد بذهني كلما اسمع بعض اهل السنة من القومچيين والوطنچيين اللي يتفرجون على عصابات الشيعة يذبحون بزلمنا ويغتصبون بنسوانا وهمه يكرون باسطوانة "أهلنا في الجنوب".. گالوا اهلنا في الجنوب وحچوا اهلنا في الجنوب.. ولحد يعم الشيعة لأن بيهم عشاير عربية اصيلة حاربت بثورة العشرين.. وحكومة المالكي ما تمثل الشيعة.. والشيعة هم يعانون من ظلم الحكومة مثلنا.. والتشيع العربي شي والتشيع الصفوي شي آخر...ومن هاي السوالف التعبانة اللي ما تعبر بس ع (الجسر).

جاوبوني رحمة لوالديكم

اذا حكومة المالكي العفنة ما تمثل الشيعة حسب ما تگولون، ليش ساكتين عليه كل هالمدة؟ احد فد يوم سمع أو شاف مظاهرة ولو من شخصين ونص طلعت بمحافظات الوسط والجنوب تندد بجرائم المالكي ومليشياته ضد أهل السنة؟

زين.. الجيش والشرطة والاستخبارات وقوات سوات وغيرها من القوات والمليشيات اللي عددهم يتجاوز 3 ملايين منين إجوا... من موزمبيق... لو من محافظات (أهلنا في الجنوب)؟

والسجانين اللي يغتصبون بنسوانا.. منين؟ مخلوقات فضائية؟ لو من العمارة والنجف وكربلا والبصرة والناصرية والديوانية؟ مو همه ذولة عشاير الجنوب.. أحفاد شعلان أبو الجون اللي الشيخ حارث الضاري شعل جد جدنا بيه؟

بالله انتبهوا لألقاب مشاهير السفاحين: الخزعلي والبطاط والأعرجي والتميمي والأسدي والزبيدي والدراجي والمالكي .... گلولي يرحم والديكم اللي ماتوا وما ضاگو الأزبري..هاي العشاير تنحدر من قبائل الهنود الحمر لو عشاير (عربية أصيلة)؟

سمعتوا شيخ من شيوخ هاي العشاير او احد من مراجعهم (العظام) اهتز له شارب واعترض على المذابح اللي نتعرضلها.. وآخرها مجزرة الحويجة اللي ما يسكت عليها أي إنسان عنده ذرة غيرة وشرف؟

العشائر السنية اللي شايفة الضيم اليوم.. مو أغلبيتهم دليم وشمر وعنزة وجبور ومشاهدة وطي وعزة.. ؟ زين.. هاي العشاير مو كلها تقريبا بيها قسم شيعي؟ سمعتوا فد يوم مظاهرة لشيعة شمر أو الجبور أو العنزة أو طي أو العزة دافعت عن حقوقنا أو طالبت بالإفراج عن معتقلة سنية (من عشيرتهم على الأقل) أو احتجت على اغتصاب مسجد سني أو تهجير عائلة سنية؟

"أهلنا في الجنوب" ومطالبنا المشروعة

كثير من قادة الاعتصامات السنية وجهوا رسائل ومناشدات لعشائر الجنوب ومراجعهم حتى يساندون مطالبنا أو على الأقل يبينون موقفهم من الظلم اللي نتعرض له.. والشهادة لله الجماعة ما سكتوا.. استجابوا ... وأرسلوا المزيد من قوات الجيش وسوات لمحافظاتنا حتى يواصلون ذبحنا حسب الشريعة الشيعية.

وأكو سؤال آخر يلطخ نفسه: إذا الحكومة وعصاباتها من الأحزاب الإجرامية اللي بالسلطة ما تمثل الشيعة، (چا بوية گوگل.. قصدي ياهو) اللي انتخبهم أكثر من مرة.. عشاير دوق فليد لو سلاحف النينجا؟

آني ما ذابحني وباط چبدي غير جماعة هيئة علماء المسلمين وأتباعهم من معممين وعلمانيين.. صارلهم عشر سنين شادين دبل حزام ويطبلون ويزمرون لعشاير الجنوب اللي ما شفنا منهم غير تصدير القتلة لمناطقنا بزي جيش وشرطة وقوات مكافحة الشعب، وانتخاب السفاحين والحرامية اللي سلموا العراق لإيران.

مظاهراتنا واعتصاماتنا صارلها أكثر من 4 شهور، وفحطنا واحنا نطالب بحقوقنا المشروعة.. أشو ولا محافظة منهم شالتها الغيرة ووكفت ويانا؟

خبصتنا الهيئة بكم واحد من الجنوب إجوا يتظاهرون بالرمادي.. صارت زحمة عيني. اذا انتو صدگ خوش اوادم ليش ما تتظاهرون بمحافظاتكم على الأقل حتى تحسسونا وتحسسون العالم إن الظلم والتهميش شملكم مثل ما شملنا؟

طبعا الهيئة ما صدگت على الله سمعت بكم شيعي راح للرمادي حتى يتظاهر.. حتى تضاعف جرعة الردح الوطني..

لو شوية يفتحون عقولهم چان عرفوا ان هذوله ما تعنوا كل هالمسافة حتى يساندون جماعتنا، وإنما حتى يحققون أكثر من هدف وبأوامر وتوجيهات: خطف سنية الانتفاضة والتشويش عليها، وتلميع صورة الشيعة اللي ما يلمعها كارتون صبغ من ماركة ابو التمساح، والتجسس عليها ورفع تقارير عن قادتها، وحتى يخدرون الحشود المنتفضة نيابة عن المالكي. والا ليش الجيش يمنع أهالي الگرمة من الوصول لساحة اعتصام الفلوجة اللي هي شمرة عصا منهم.. ويسمح للجايين من محافظات الجنوب؟

خطباء الاعتصام طالبوا عشاير الجنوب (بفتح الجيم... حتى تطلع بنكهة الشلغم) أكثر من مرة بمواقف مساندة، وانتظروا منهم رد... وماكو شي.. وعادوا الكرة بمختلف الأوقات والأماكن وبطرق مختلفة.. وباللغة العربية الفصيحة والجلفية.. بس بوية اشو الجماعة مثولين؟ شني ما عدهم عيون وأذان لو شايلين فيوز الاحساس؟ .. (العتب على ربعنا... غير يخاطبوهم بالفارسي؟؟).

طبعا لمن ربعنا أيسوا من جواب (أهلنا)... تطوعت هيئة (علماء المسلمين) وكامت ترگعلهم بأعذار عنچوكية حلزونية متقوقعة (أبناء عمومتنا) نفسهم ما مفكرين بيها.. وشنو العذر بالله؟.... عليهم تضييق أمني! ...... أيبااااااااااااااااخ.. والا چان شرموها!!

بربكم هذا مو عذر أطگع من ذنب؟ لعد المدن السنية ما عليها تضييق أمني؟ يعني هاي الحشود العسكرية اللي تطوق اعتصاماتنا جاية حتى تحمينا لو تضيق علينا؟؟ وياريت بس تضيق علينا.. تقتل وتعتقل وتسد الطرق وتفجر مساجد، ومع ذلك أبطالنا صامدين لأنهم فعلا حاسين بالضيم..مو عروض مسرحية وتشبيهات وأكاذيب مثل بعض الناس.

بعدين أي اقوى، القوات العسكرية والأمنية هسه لو بالواحد وتسعين لمن گبت الغوغاء بمدنهم وقتلوا وسلبوا ودمروا حتى المؤسسات الخدمية؟
شفتوا شيسوون لمن تجيهم توجيهات وفتاوي المرجعية (الرشيدة حيل) التي تتلقى الأوامر من إيران (الإسلامية حيل)؟

احنا ما ننكر.. المحافظات الجنوبية هم تعاني من سوء الخدمات والمستوى المعاشي.. لكن اللي يحصل لأهل السنة أكبر بهواية من الخدمات.. أهل السنة يتعرضون للقتل والاعتقالات والتعذيب والاغتصاب والتهجير والطرد من المناصب والحرمان من البعثات والمراكز الحساسة والإقصاء من المؤسسات الحكومية ووو.... يعني باختصار.. السنة مهددين بعقيدتهم وثوابتهم ودمائهم وأعراضهم وكرامتهم وحقوقهم. بالله شنو بقى يستحق الحياة؟

أتحدى قناة الرافدين تنشر خبر عن سجينة شيعية وحدة تروي قصة اغتصاب جماعي تعرضت له.. أو معتقل شيعي انعدم أو تعرض للتعذيب.
أما حادثة الزرگة اللي مچلبين بيها الوطنيين البطرانين ويعتبرونها دليل على توزيع البطش على السنة والشيعة، فهاي حادثة فردية ضمن اطار البيت الواحد (الله يهجمه على روسهم ان شاء الله) ..ما تمثل استهداف ممنهج ومتكرر مثل ما يحصل لأهل السنة. وماكو واحد عنده ذرة إنصاف ووعي يساوي هاي الحادثة اليتيمة بالأحداث اليومية اللي يتعرضلها أهل السنة بكل مكان وعلى مدار الساعة.

عمي مو كافي عاد؟... ما شبعتوا من أكاذيبكم اللي تحاولون تقنعون بيها نفسكم وهي ما تقنع حتى المحشش؟

صدگوني يا أهل الحس الوطني المرهف وعالخدود يهفهف... الله وكيلكم الجماعة بوادي وانتو بوادي.. وما معترفين لا بيكم ولا بوطنيتكم.. شوكت راح تعرفون إن ذولة أمة أخرى وشعب آخر ما نشترك وياهم لا بدين ولا بوطنية ولا بانتماء ولا بمشاعر ولا بصخام ولا بلطام.
عمي راح زمان الوطنية اللي جانت مفروضة بالقوة مو بالقناعة.. واذا بعدكم مصدگين أكو وطنية حقيقية فاتحداكم تقنعون عشاير الجنوب يعيدون وياكم العيدين او يشاركونكم بحب الصحابة (العرب) او الاحتفال بالمناسبات الإسلامية. يعني معقولة ما تعرفون ان الشيعة يفرحون بمناسباتنا المحزنة ويحزنون بمناسباتن المفرحة؟ هسه افتهمنا انتو مطفين بالدين والتاريخ والجغرافية والرياضة والرسم والحياتية والمنطق... وحتى مرسي الزناتي وبهجت الأباصيري أفهم منكم... زين ما عدكم عيون وتشوفون قنواتهم الرسمية اللي تبث لطميات الدم والثار وتحشد بطرشهم علينا؟

عمي اخذوها مني.. الحكومة الشيعية لو شمتسوي لعشاير الجنوب ما يهمهم.. مادام رجعتلهم اللطم والتطبير والهريسة وخلصتهم من حكم (النواصب).. وهاي المكاسب بالنسبة إلهم أهم من المي والكهرباء..وأطيب من الخبز عروگ والدوندرمة وقز القرط.

بس مع ذلك.. أرجو من أصحاب العقول الديناصورية المتحجرة انهم ما ييئسون من (أهلنا في الجنوب)... احتمال چبير يستجيبون ويثورون ضد المالكي.. ليش لا؟ مو بعيدة.. بس الشغلة يرادلها شوية صبر ومثابرة،على شوية كمون وكزبرة ودهن بريك وسيم مواعين.. مع التحريك المستمر لمدة عشر سنين أخرى.. إلى أن يجي يوم تصدر الهيئة بيان على قناة الرافدين يدين (بأقصى عبارات الإدانة) تجاوزات هَرَس هُدود مال جمهوري إسلامي إيران على الحدود الموريتانية؛ ووراها توجه خطاب وطني وحدوي لاستنهاض همم (أهلنا في الجنوب) مفاده:

ماني صحت بوية احااااااا..چا وين أهلنا... چااااا وييييييين.. چا وييييييين أهلنا؟.......... ترررررم.

ابو الزبير الموصلي
2013-05-06, 09:29 AM
حياك الله اخي عبدالله والله قرات المقال كلمة كلمة وراح انشره ...والله كل كلمة وكل حرف خليتها بمكانها والله لو الوطنيين والي ينادون بالاخوة الشيعية يقراون بس هذا المقال كان يكفي ...بس ايش تحجي مع ناس اصلا يشبهوهم لو ما يشبهوهم ما كان نادو بهذه الشعارات الغبية

العراقي
2013-05-06, 12:34 PM
بارك الله فيك اخي عبدالله

طبعا مقال طريف جدا
وبنفس الوقت مؤلم والله
بصراحة عقلي يعجز عن التفكير في حقيقة ذول ( السنه ) المتخاذلين
ما ادري بيا خانه اخليهم
ومثلما تفضلت فلان من الناس ما يفهم بالدين والسياسه والاخلاق والغيره والعشائريه . . .
ماعنده عيون يشوف بيهن ؟
يعني شوف الاحواز ....... شوف سوريا هاي بصفنا ...... شوف ايران نفسها .....
اتركنا منهم
شوف العراق ب 2006 شنو عمل مقتدى القذر والشيعه باهل السنة

والله هاي الفتن كلها خير
قبل كنا مغشوشين والان صرنا نعرف الصديق من العدو

نسأل الله ان يهيء لنا من امرنا رشدا
حفظكم الله وجعل ما تكتبون في ميزان حسناتكم

ابو الزبير الموصلي
2013-05-06, 12:41 PM
بارك الله فيك اخي عبدالله

طبعا مقال طريف جدا
وبنفس الوقت مؤلم والله
بصراحة عقلي يعجز عن التفكير في حقيقة ذول ( السنه ) المتخاذلين
ما ادري بيا خانه اخليهم
ومثلما تفضلت فلان من الناس ما يفهم بالدين والسياسه والاخلاق والغيره والعشائريه . . .
ماعنده عيون يشوف بيهن ؟
يعني شوف الاحواز ....... شوف سوريا هاي بصفنا ...... شوف ايران نفسها .....
اتركنا منهم
شوف العراق ب 2006 شنو عمل مقتدى القذر والشيعه باهل السنة

والله هاي الفتن كلها خير
قبل كنا مغشوشين والان صرنا نعرف الصديق من العدو

نسأل الله ان يهيء لنا من امرنا رشدا
حفظكم الله وجعل ما تكتبون في ميزان حسناتكم



لا تحتار اخي الحبيب العراقي خليهم بخانة الشواذي لان كلامهم ما يسمعو بس الي يشبه القرودة

العراقي
2013-05-06, 12:54 PM
لا تحتار اخي الحبيب العراقي خليهم بخانة الشواذي لان كلامهم ما يسمعو بس الي يشبه القرودة
خوش طلعه والله
صح لسانك
لكن الشواذي تجيب موز لأهلها
وذول جابو الخزي والعار لأهلهم

سداد المولى
2013-05-06, 09:24 PM
عاشت ايدك مقالة اكثر من روعــة ربي يحفضك

عبد الله الدليمي
2013-05-07, 11:04 PM
الأخوة الأعزاء.. جزاكم الله خيرا وبارك بكم.

بنت الحواء
2013-05-08, 03:45 PM
جزاكم الله خيرا
وفقكم الله ورعاكم