المساعد الشخصي الرقمي

مشاهدة النسخة كاملة : إخترتُ لكم بعض الأمثلة العراقية


سعيد المدرس
2013-09-03, 12:27 AM
هذه بعض الأمثال العراقية إخترتها لكم ...


1- إذا طاح البعير كثرت سجاجينه 0
2- ابــــو وجهيــن ماله وجه 0
3- اضرب الجلب يتأدب الفهد .
4- انطيناه وجه ايريد ابطانه 0
5- الف عصفور ما يترس جدر 0
6- بفادي ولا بولادي 0
7- باب بغداد تنسد وحلوك الناس ما تنسد 0
8- تجيك التهايم وانته نايم 0
9- الثور يكرب والزمال ياكل 0
10- خبز بلادي ولا جنة الغريب 0
11- الخطار يجيب رزقه وياه 0
12- دكًـــــة الأســـــتاذ بألف 0
13- ذيل الجلب حطوه بالكصبه اربعين يوم ما عدل 0
14- السالفه الحلوه اتجيب اختها 0
15- شوفته حزن ، وفراكه عيد 0
16- العرس لأثنين ، والمجانين الفين 0
17- العجوز لو ضاك خلكها تتذكر أيام عرسها 0
18- فــــلوس ابعبـــه كل النــــاس تحبــــه 0
19- قـــــول الحـــــــق ما خلالــي صديـــــق 0
20- الكًهوة سوده ، بس أتبيض الوجه 0
21- لو نريد من هالشكول ، جان حملنه اعدول 0
22- ما يعاشر البوم إلا الغراب 0
23- مو كل من لزم تفكه كال انه تفاك 0
24- يا غريب كون أديب 0
25- ياكل بالماعون واصابعه بالعيون 0

وأخيراً أبو المثل ما خله شي ما كاله !

فجر الإنتصار
2013-09-03, 12:02 PM
والباب الي يجيك منه الريح سده واستريح

وناس تاكل دجاج وناس تتلكه العجاج

لو تجري جري الوحوش غير رزقك ما تحوش
....
الامثال العراقية كثيرة جدا وجميلة

بارك الله فيك أخي الكريم

ابو الزبير الموصلي
2013-09-03, 02:44 PM
بالنسبة لي اكتب امثال موصلية واللي ما يفهمها نترجم مو مشكلة

عطينانو وج بقى يغيدلو بطاني ...

سعيد المدرس
2013-09-03, 02:44 PM
شكر الله لكم ..

حبذا لو الكل يشاركون !!فتراثنا غني ..

ابو الزبير الموصلي
2013-09-03, 02:45 PM
محد يطيق يحصل من الأقع شعغاي

فجر الإنتصار
2013-09-03, 04:52 PM
عطينانو وج بقى يغيدلو بطاني ...



محد يطيق يحصل من الأقع شعغاي


حالي مع هذه الامثلة

كالمثل العراقي القائل

" مثل الأطرش بالزفة "

سعيد المدرس
2013-09-03, 05:22 PM
الأمثال الموصلية تحتاج الى موضوع خاص
وفارسها الموصلي !!
ومعنى المثل والله اعلم :
أكرمناه ولكنه طماع يريد المزيد

ابتسامة : في اللهجة الموصلية قلب (الراء)الى (غين) وهذه هي العلامة المميزة الرئيسية للهجة الموصلية فالكلمات ( راح - رماد - رجل ) مثلا تلفظ (غاح - غماد -غجل )

وللحديث بقية اتركها للفارس الموصلي ...

نسائم الهدى
2013-09-03, 06:43 PM
’’الأيده بالمي مو مثل الأيده بالنار ’’

بارك الله فيكم اخي

الامثال العراقيه كثيره وجميله

جزيتم خيراً

الأثري العراقي
2013-09-03, 08:43 PM
أبا الزبير :
إذا أبحث بالترجمة التي في ( كوكل ) تتوقع أجد ترجمة للأمثال الموصلية ؟!
(( إبتسامة ))

سعيد المدرس
2013-09-03, 10:27 PM
هذا المثل إهداء لحبيبي أبي الزبير :
احنه ولد اكريه كلمن يعرف أخيّه .
http://www.7ob-3mre.com/up/uploads/13461854114.jpg

الحياة أمل
2013-09-04, 10:13 AM
[...
جميلة هي الأمثآل العرآقية
بآرك الرحمن فيكم
::/

أم سيرين
2013-09-04, 12:54 PM
أهل العراق مشهورون بالأمثلة
ماذكرتم في البداية فهمته
ولكن الأمثلة الموصلية يا حبذا شرح لها أكثر
وبارك الله فيكم جميعا

سعيد المدرس
2013-09-11, 11:27 PM
دخانك عماني وطبيخك ما جاني

ابو الزبير الموصلي
2013-09-11, 11:39 PM
هدية الى سعيد المدرس

البزوني تفغح بعزى اهلها

سعيد المدرس
2013-09-12, 12:05 AM
وصلت الهدية : البزونة تفرح بعزاء اهلها

وهاي مني الك هدية :
جبّنا الاكرع يونسّنا طلّع صلعيته و خوفنا

نعمان الحسني
2013-09-12, 06:52 AM
المايعرف تدابيره , حنطته تاكل شعيره ,
موكل أصابعك سوى ,
الشبعان شمدريه بالجوعان ,

الأمثلة العراقية , جميلة ومتنوعة ,
نايم ورجليه بالشمس ,

شكر الله لك أخي ( سعيد المدرس )

ابو الزبير الموصلي
2013-09-12, 07:48 AM
هذه ترهم عليك ياسعيد

اقولو كبي يقول اثغد اقولو ثوغ يقول احلبه