آخر 10 مشاركات
معركة حارم           »          سلسلة لطائف قرآنية           »          الواجب تجاه النعم           »          عدد الأحاديث إذا جُمعت من الكتب كلها - الشيخ مقبل بن هادي الوادعي           »          وَاتَّقُوا يَوْمًا تُرْجَعُونَ فِيهِ إِلَى اللَّهِ ....تصميم           »          اختصارات لوحة المفاتيح على تويتر           »          قارونُ قبلَكَ           »          الجامد والمتصرف           »          طلاق أمامة           »          تواضع العلماء


منتديات أهل السنة في العراق

منتدى اخبار العراق السياسية والامنية اخبار العراق اليوم , الاخبار السياسية والامنية العراقية



إضافة رد
 
أدوات الموضوع انواع عرض الموضوع
قديم 2013-05-17, 07:51 PM   المشاركة رقم: 1
المعلومات
الكاتب:
عبد الله الدليمي
اللقب:
كاتب و شاعر القادسية
الرتبة:

البيانات
التسجيل: Feb 2013
العضوية: 48
المشاركات: 156 [+]
معدل التقييم: 63
نقاط التقييم: 254
عبد الله الدليمي is a jewel in the roughعبد الله الدليمي is a jewel in the roughعبد الله الدليمي is a jewel in the rough

الإتصالات
الحالة:
عبد الله الدليمي غير متواجد حالياً
وسائل الإتصال:

المنتدى : منتدى اخبار العراق السياسية والامنية
Berigh10 اكو فد واحد - مقالة بالجلفي

اكو فد واحد

عبد الله الدليمي – خاص بالقادسية

بمقالتي الجلفية السابقة گلت: "هاي اول مرة وآخر مرة اكتب بالجلفي ووعدت اني بعد ما اسويها".. وذكرت بوقتها سببين لكتابة المقال بالجلفي... حتى اذا تتذكرون... السبب الثالث چان على طرف لساني بوكتها ونسيته.. أي.. هسه تذكرته: حتى تكون المقالة مفهومة لكل فئات الشعب العراقي.. المثقف وغير المثقف، الجبير والزغير.. الخوش آدمي والمو خوش آدمي (هاي شلها علاقة؟؟ ما أدري.. المهم طلعت.. عبروها).

نزولا عند رغبة بعض القراء الأعزاء اللي طالبوني بتكرار التجربة الجلفية، فإني أعلن وأنا بكامل قواي العقلية والعضلية، وبدون أي ضغط أو إكراه (حيث أني لا أخاف حتى من مرتي) عن تراجعي عن كلمتي (وهالمرة ما أوعدكم انها تكون آخر مرة.. لأن عيب الرجال يتراجع عن كلمته مرتين... مرة وحدة بيها مجال).

نرجع لموضوعنا.. أكو فد واحد.. أو بالأحرى واحدين (هاي شنو؟ هسه افتهمنا جلفي.. بس واحدين شلون ترهم؟).. أقصد اثنين: واحد قديم، وواحد معاصر.

هذا الواحد القديم يا سادة يا كرام.. اسمه جحا، سألوه: شگد عمرك؟ گال: ثلاثين سنة. بعد عشر سنين سألوه: شگد عمرك؟ گال ثلاثين سنة.. وبعد سبع سنين هم سألوه: شگد عمرك؟ گال: ثلاثين سنة. گالوله: هاي شطلعت، گبل 17 سنة سألناك عن عمرك وگلت ثلاثين، وسألناك گبل سبع سنين وگلت ثلاثين.. شنو سالفتك؟ ساحب هاند بريك؟ گاللهم: وحتى لو تسألوني بعد اربعين سنة هم اگول ثلاثين... آني رجال صاحب مبدأ وكلمتي وحدة متصير اثنين.

وأكو فد واحد آخر، بس مو قديم.. معاصر سوى نفس شغلة جحا بس على غير لون.. رفع شعار الوطن والوطنية كعلاج لأزمة العراق من أول يوم تعرض للاحتلال.. والمشهد العراقي بالنسبة لهذا الواحد بكل بساطة: محتل أمريكي مقابل عراقيين يقاومونه... وذولة العراقيين شعب واحد من اقصى العراق الى اقصاه، ومن شرقه الى غربه.. ومن طأطأ لسلام عليكم.

وركز كل جهد الهيئة اللي يرأسها على تصوير العراق على انه حالة وحدة، وشعبه موحد بكل شي: بالشعور الوطني والمقاومة والغيرة والمعاناة ولون العين وبصمات الخشم والأكلة المفضلة وعدد السلندرات ورقم الشاصي.

والحل برأيه هو خروج المحتل، بس هااااااا... الشغلة يرادلها شوية صبر على شوية حبوب مقوية للوطنية عالريگ بعد الأكل... وابوكم الله يرحمه.

(عجل يابه) والمحتل الإيراني؟ .. يگول هذا تدخل عرضي كنتيجة للاحتلال الأمريكي!!

(چا بوية) والحكومة والأحزاب والمليشيات اللي سيطرت على اجهزة الدولة وتتكاثر يومية مثل فروخ الحية؟ ... يگول كل هذا يطلع بالتايت.. قصدي يزول بمجرد انسحاب المحتل... وراح تشوفون شلون الحدود تزدحم بالهاربين!!! (وتاليها الحدود ازدحمت بينا احنا.. هذا اللي فلت من الموت والاعتقال).

زين حجّي... والحل؟ يگول الحل هو التمسك بالوحدة الوطنية ورفع شعار: اخوان سنة وشيعة... وهذا الوطن منبيعه.. (زين ميصير: بلي يبلبول.. بلي.. ما شفت عصفور.. بلي؟)

وظلت الناس تنام وتگعد على شعارات قناته الفضائية وأناشيدها وأغانيها وموسيقتها (لا تنسون: القناة تابعة لجهة يقودها علماء مسلمين حيل أوي). وظل الحجّي يعول على معممي الشيعة وقطعانهم وهم يسبون برموزنا ويذبحون بزلمنا ويغتصبون بنسوانا.

التجربة والخطأ

ببداية الاحتلال گلنا ميخالف، اهل السنة بحالة مواجهة شرسة مع قوات الاحتلال، واللي يگدر يكسب احد من الشيعة ويانا ضد الأمريكان جزاه الله خير.. لأن مو من مصلحتنا نستعدي الشيعة ونفتح جبهة أخرى علينا.. خلونا نحيدهم على الاقل.

طبعا هذا الكلام لا عملي ولا واقعي، بس مو مشكلة.. نمشيه من باب إلزام الشيعة (حتى نلحگ الچذاب لباب البيت) وحتى يقتنع بعض السنة اللي يعولون على "وطنية" الشيعة.

طبعا مو عيب اذا الواحد جرب أي خيار يشوفه منطقي ويوصله للهدف، بس غير يقيم هذا الخيار ويشوف مدى نجاحه؟ واذا اكتشف انه خيار فاشل، مو المفروض يتركه ويجرب خيار آخر (حتى لو عطروزي... ترعوزي.. ساركوزي.. حي الله)؟

كم سنة بعد يحتاج الحجّي حتى يكتشف ان خياراته صارت طرشي وعفنن بدون فايدة؟

مو من أبسط مهارات القائد انه يجيد تعديل الخطط والتكتيكات والآليات والبگلايتات حسب الظروف والمعطيات؟
صار عشر سنين والحجّي يعول على المشروع الوطني اللي هو اصلا ولد فاطسا، بس گلنا بلكي الحجّي عنده طريقة عبقرية يگدر من خلالها يرجعله رويحته: تنفس اصطناعي.. مساج تايلندي.. ابر صينية... تواثي عراقية.. حلاوة شكرية... أي حاگة.

عصابات جيش المهدي ترست المزابل من جثث اهل السنة، واغتصبت عشرات المساجد، وهجرت مئات العوائل.. والحجّي يطبل ويزمر لزعيم هاي العصابات سماحة السيء مقتدى الصدر ويعتبره رمز وطني، وگضاها وياه بين صلوات موحدة ومسيرات موحدة..ومعاهدات شرف (!!).. وخطابات تخر وطنية.. وشعارات مشبعة بثالث كبريتيد الچذب.

اذكر بالـ 2006 تقريبا جان الحجّي معزوم على غدا ببيت صديقي.. وكنت من بين المدعوين (تلبية الدعوة من السنن اللي احرص عليها)؛ وقدر الله اني اجتمع وياه على صينية (يعني صحن چبير.. ليروح بالكم بعيد.. اعرفكم تدورون طلايب). ودار الحديث عن الوضع الراهم (على گولة شيابنا).. وجابوا طاري ميثاق الشرف والمسيرات والصلوات الموحدة مع الصدريين... الخ. فگلت للحجّي: والله يا حجّي هذا مقتدى شيعي مجرم ما يتأمن، وحتى اذا اختلف مع جماعته بشي، فعلينا يتوحدون. جاوبني الحجّي بجواب دبلوماسي غاية في الحنكة والحصافة والقيافة واللطافة ..واستخدم عبارة حكيييييمة (بتدي حئن) لحد الآن تخركش باذني: "واحنا خسرانين عليه جير .. بسامير؟"

فعلا مثل ما تفضل الحجّي.. ما خسرنا عليه لا جير ولا بسامير.. بس مئات المساجد المغتصبة، ومئات الآلاف من الشباب بين مغدورين ومعتقلين ومهجرين.. والباقي بالحياة عايش برعب وينتظر مصيره المجهول. بس مو مشكلة .. كل شي يهون لعيون العانسة.. قصدي .. الآنسة وطنية.

الشيعة يزدادون مع الأيام قوة وتسلط والسنة يزدادون سحگ وتهميش.. بس مو مشكلة.. الوطنية هي الحل.. ما دام العراق واحد كل شي يهون.. وكل ما نمر بمحنة يطلعلنا الحجّي يندد ويشجب.. زين وبعدين؟
ولا يهمكم.. مهما يصير بينا فمو مشكلة.. الوطنية هي الحل.. وبس عوزه يسويلها دعاية على قناته: (الوطنية.. راحة..متانة.. أمان.. ناشد اخوان).

الشيعة ترسوا المؤسسات المدنية والعسكرية وسخروا كل موارد الدولة ضدنا.. والحجّي يحرم دخول أي مؤسسة حكومية... لأنها من رواسب المحتل (يسميها الحكومة الحالية.. على اساس لو گال "حالية" راح تسقط.. لو يصير بيها اسهال!)

الشيعة يحشدون بالانتخابات وينتخبون قطعان من المجرمين والحرامية، وهو يحذر اهل السنة من الانتخابات.
الشيعة سلموا العراق لإيران وشفطوا كل خيراته.. وهو گضاها يندد ويستنكر. لا ومرات – والشهادة لله- ما يكتفي بالتنديد والاستنكار.. مرات يتهور ويشجب (حجي على كيفك.. داري صحتك).

إيران تصول وتجول بكل شبر بالعراق بمساعدة الشيعة، والحجّي مچلب: گال المحتل وحچى المحتل.. وهسه يطلع وبعد شوية يطلع.. واصبروا اخوتي ترى ما ظل شي.. كلها كم شهر ويطلع...اي راح يطلع.. يا الله... بعد شوية من الچعب.

ولمن طلع المحتل.. أنكر وما يقبل يصدگ.. يعمي والله المحتل طلع.. يگول: لا ما طلع.. لا لا بقى.. لا لا ولك.. من علّمك.. على رگص الهجع.. (أوووووووووو، آسف.. هاي آني وين رحت؟)

جلعوط وغطاء البدن

اكو فد جندي مخربط اسمه جلعوط (اسم رومانسي)، انطاهم النايب ضابط درس عن تفكيك البندقية.. وطلب منهم الانتباه حتى بعدين يگوّم واحد واحد يفكك البندقية، واللي ما يعرف يطيح حظه (مع العلم جعلوط ما يحتاج طيحان حظ).
بدا النايب ضابط يشرح: (أول شي ننزع غطاء البدن، بعدين نابض الإرجاع.. بعدين الترباس..ووراه بيت الترباس...جيران الترباس.. الخ.)
انتهى الدرس وبدا النايب ضابط يگوّم واحد واحد، وكل واحد ما يعرف يعاقبه زحف وحلاقة صفر. وإجا الدور على جلعوط (اللي ما فهم من الدرس بس غطاء البدن).. فلزم البندقية وصفن.
النايب ضابط: يلله فضها شبيك.. تريد تاخذ صورة وياها؟
جلعوط: بلع ريگه وعوص عينه وچان يگول: اااااااااا....اول شي.... (وتنحنح.. على اساس راح يشرمها).. نفصخ غطاء البدن (وحطه عالمشمع)...
النايب ضابط: أي عفية.. كمل.
جلعوط: الآن غطاء البدن صار هنا عالمشمع.. وطبعا سبب حطتي له على هذا المشمع..(گام يتفلسف).. هو لكي لا يجوسه تراباً.. لأن اذا جاسه ترابٌ يتوصخ ويصير خربانٌ.. واذا صار خربانٌ فإنه لا يشتقل... وهذا يعني....
النايب ضابط: لك دكمل عاد ولتطولها طايح الحظ!
جلعوط: صار سيدي، راح أكمل.. بس ياريت متقاطعني حتى ما تنقطع سلسلة أفكاري.. (ايباااااااااااااخ)
النايب ضابط: تكمل لو أدوس ببطنك؟
جلعوط: سيدي، الجزء الآخر اللي يجي ورا غطاء البدن.. يعني يصير جوا غطاء البدن بالضبط.. والتفت للجنود وگال: شباب لتنسون.. هذا اسمه غطاء البدن.

النايب ضابط: لك يا مطي شثبرتني بغطاء الصخام؟ وشال غطاء البدن وشمره بعيد، وگال: هسه غطاء البدن الاگشر خلصنا منه.. كمل لخاطر الله.
جلعوط: نهض وگام يأشر باتجاه غطاء البدن وگال: سيدي.. ذااااااااااااااااااااااك غطاء البدن.

رباط السالفة هو نفس الحجّي اللي صار له عشر سنين يهوس: المحتل والمحتل.. وما عنده سالفة غير المحتل..

عمي مو المحتل صارله سنة ونص من شال چوالاته وفلت، واتضح للقاصي والداني والعلواني.. أن بلاوينا - قبل واثناء وبعد الاحتلال - من ايران وشيعتها.. وخياناتهم سودت التاريخ گبل اكتشاف امريكا اصلا. بس الحجّي (خلص انطى كلمة وعيب يتراجع عنها).

اخواني اهل السنة! والله وضعنا مأساوي.. ومصيرنا أسود اذا ما تلاحگنا نفسنا بحل جذري من خلال مشروع انقاذ ناجح (الإقليم السني).. وعوفوا الحجّي، ترى الله وكيلكم ما عنده لا حل ولا مشروع ولا جفية ولا حامض حلو ولا شربت... والعنده يصيح بااااااات.




المصدر : منتديات اهل السنة في العراق - من : منتدى اخبار العراق السياسية والامنية











عرض البوم صور عبد الله الدليمي   رد مع اقتباس
قديم 2013-05-17, 08:48 PM   المشاركة رقم: 2
المعلومات
الكاتب:
العراقي
اللقب:
المدير العـآم
الرتبة:

البيانات
التسجيل: Dec 2012
العضوية: 3
المشاركات: 9,247 [+]
الجنس :  ذكر
معدل التقييم: 200
نقاط التقييم: 2737
العراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond reputeالعراقي has a reputation beyond repute

الإتصالات
الحالة:
العراقي غير متواجد حالياً
وسائل الإتصال:

كاتب الموضوع : عبد الله الدليمي المنتدى : منتدى اخبار العراق السياسية والامنية
افتراضي رد: اكو فد واحد - مقالة بالجلفي

والله يا اخي كلامك اشكد لطيف ومرح وبنفس الوقت يمرد مرد
صحيح اني مرات لمن اشوف حال اهل السنة اكول هذا من ورا فلان وفلان
لكن يا اخي السبب والمشكله بينه احنه
بقينا لاطشين ونسمع بشيخ فلان وحجّي فلان ... مع العلم نشوف بعيونّه دا يسوقون بينه نحو الهاويه
لكن ما اعرف شنو اللي عاطل بأهل السنة

ياربي رحمتك ونصرك يا الله
ونسأل الله الثبات بهذه الفتن والمحن العظيمه

بارك الله فيك












عرض البوم صور العراقي   رد مع اقتباس
قديم 2013-05-19, 07:58 PM   المشاركة رقم: 3
المعلومات
الكاتب:
بنت الحواء
اللقب:
:: مدآفع عن أهل السنة ::
الرتبة:

البيانات
التسجيل: Jan 2013
العضوية: 18
العمر: 20
المشاركات: 5,677 [+]
معدل التقييم: 117
نقاط التقييم: 53
بنت الحواء will become famous soon enough

الإتصالات
الحالة:
بنت الحواء غير متواجد حالياً
وسائل الإتصال:

كاتب الموضوع : عبد الله الدليمي المنتدى : منتدى اخبار العراق السياسية والامنية
افتراضي رد: اكو فد واحد - مقالة بالجلفي

بارك الله فيكم












توقيع : بنت الحواء

رد: اكو فد واحد - مقالة بالجلفي

عرض البوم صور بنت الحواء   رد مع اقتباس
قديم 2013-05-19, 10:21 PM   المشاركة رقم: 4
المعلومات
الكاتب:
عبد الله الدليمي
اللقب:
كاتب و شاعر القادسية
الرتبة:

البيانات
التسجيل: Feb 2013
العضوية: 48
المشاركات: 156 [+]
معدل التقييم: 63
نقاط التقييم: 254
عبد الله الدليمي is a jewel in the roughعبد الله الدليمي is a jewel in the roughعبد الله الدليمي is a jewel in the rough

الإتصالات
الحالة:
عبد الله الدليمي غير متواجد حالياً
وسائل الإتصال:

كاتب الموضوع : عبد الله الدليمي المنتدى : منتدى اخبار العراق السياسية والامنية
افتراضي رد: اكو فد واحد - مقالة بالجلفي

اشكرك أخي العراقي وأختي بنت الحواء.












عرض البوم صور عبد الله الدليمي   رد مع اقتباس
إضافة رد

مواقع النشر (المفضلة)

اكو فد واحد - مقالة بالجلفي


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع
واحد مقابل واحد / نظرية مقتبسة من حنان الفتلاوي
أنقذوا مخيم اليرموك الدم السوري والفلسطيني واحد والقاتل واحد
الطريق واحد
القاتل الشيعي واحد والمقتول السني واحد !!


الساعة الآن 04:05 AM.


Powered by vBulletin® Version by Tar3Q
Copyright ©2000 - 2013, Jelsoft Enterprises Ltd
RSS RSS 2.0 XML MAP HTML